ODD – Usa nga senior citizen ha New Jersey an pormal nga ginkilala han Guinness World Records kumo “oldest person to perform a handstand (lalaki)” ha edad nga 74 anyos.
Tikang pa han iya kabata, regular na nga mag-handstand hi Paul Budline ngan parte na ini han iya adlaw-adlaw nga ehersisyo, labot la ha aerobics, cycling, ngan weightlifting.
Maka-duha la hiya na-undang ha iya fitness routine ngan ini in han nagkaada hin COVID-19 lockdown ngan iginpa-ilarom hiya ha hip surgery ha edad nga 70.
Mahuman an operasyon, haros diri na niya mahimo an handstand, pero ginpirit niya nga makabalik han masabtan niya nga 15 segundo la an kinahanglan para ha Guinness record.
Ha kaluyo han iya edad, determinasyon, ngan pasensya, nakab-ot ni Budline an nasabi nga titulo.
