Pito nga mga ido nga gin kawat ha 3 nga balay ha usa nga village ha Northeastern China an nakatakas ha mga nagkuha hini ngan nag linakat hin 17 kilometros tiuli ha ira mga balay nga talwas.
Sumala ha South China Morning Post, ha kaluyo han damo nga sarkyan nga nanngangagi ha kalsada han Changchun, Jilin province, an mga ido in nakita nga naglinakat ha highway.
An grupo han mga ido in gin kakabug-usan han corgi, german shepherd, golden retriever, labrador, ngan pekingese.
Ha pag lakaton han mga ini, nagbserbi kumo leader an corgi nga agsob naman magpabilin ha urhi basi bantayan an German Shepherd nga may samad.
Sumala ha nag upload han video nga hi Lu, gin testingan niya pag tungway han mga ido para ha ira katalwasan pero waray hiya han mga ini asiha.
Dugang pa hini, sugad an mga ido hin usa nga pundok hin gagmay nga magburugto nga na atubang ha kakurian. Nagkikiwa ngan nagkaka-urosa. Diri pareho hin mga stary dogs.
Samtang, an mao nga video in nakakuha hin 250 million views ha Douyin, usa nga Chinese video-sharing platform.
Tungod han pan hinabo, nanawagan an publiko hin mas hurugot nga balaod ha pagpanalipod ha mga hayop.
An pangawat hin ido in usa nga kriminal nga sala ha bug-os nga nasud kun diin, maatubang ha kaangayan nga sirot sugad hin multa ug pagkapriso an hino man an madadakpan nga tumalapas hini.
