TACLOBAN CITY – Napasakahan na hin kaso an upat nga mga residente han syudad han Cebu nga dumayo ha syudad han Tacloban para manguwat ngan manbiktima.
Sumala kan PCInsp Steve Castillote, station commander han Abucay Police Station 2, nga naiha na ha Tacloban an mao nga salisi kun diin damo na an mga nabiktima hini pati na gihapon ha iba nga syudad ngan bungto.
Ginkilala an upat nga suspek nga hira Ronniel Torres, 20 anyos, Josephine Torres, 36 anyos residente han Alaska Mambaling, hi Ma. Abegail Dela Rosa, 32 anyos an pangidaron, residente han Calamba Lambangon, Mantilla Gertrude, 57 anyos, residente han Purok II Sitio Tambis, Cordova, Cebu.
Mahibabaruan nga nadakop an mao nga mga suspek ginsasalisihan pangawati an usa nga manmaralit ha usa nga estabishemento ha siyudad han Tacloban kun diin dayon ini nga iginreklamo han biktima.
Samtang, panawagan naman ni Castillote, ha mga nabiktima han upat nga salisi nga dumangop ha ira buhaton agud nga makumpirma an mga suspek.
