Usa nga babaye nga powerlifter ha Mexico an nakaghipatik hin Guinness World Record mahuman niya mabuhat an weights nga 75.35 kilograms gamit la an iya gintarintas nga buhok.
Nakakabilin an kusog han anit nga iginpakita ni Diana Elizabeth Batres Hermosillo, usa nga beterana nga circus performer, mahuman niya makuha an Guinness World Record para ha heaviest weight lifted with the hair (female).
Ha atubangan han mga magkirita ha Le Paz Theatre didas han Pebrero 28, malinangpuson nga ginbuhat ni Diana an weights nga 75.35 kgs nga haros kaparehas an bug-at ha usa nga tawo, gamit an duha nga mahugot niya nga tarintas. Ginperdi niya an anay rekord ni Asha Rani tikang ha India nga nahipatik dida han 2014.
Unom kabulan an gingamit ni Diana ha paghag-id agud maakos han iya anit, liog, ngan likod an kakusog han presyur. Ha iya world record attempt, ginbuhat niya an mga weighted plates ha sulod hin 14 segundos ngan ginsundan hin usa pa nga stunt kun diin iginsabit niya an bug-os nga kabug-at han iya lawas ha ere gamit la gihapon an iya buhok.
