Nahipatik han Department of Energy (DOE) nga ginlalauman nga magkakamay-ada hin rollback ha presyo han diesel ngan kerosene ha masunod nga semana, samtang posible nga humtaas naman an presyo han gasolina.
Subay ha upat kaadlaw nga trading monitoring ha Mean of Platts Singapore, ginbabana-bana nga maubos hin P9 kada litro an diesel, ngan P12 kada litro naman an kerosene.
Samtang, posible naman nga humitaas hin P1.60 ngada ha P1.70 kada litro an gasolina.
Sumala kan DOE Oil Industry Management Bureau Director Rino Abad, hinay-hinay na nga nabalik ha normal market-based pricing an lana mahuman nga maapektaran han tensyon ha Middle East nga nagtikang dida han Pebrero.
Dugang pa hini, an presyo han lana ha world market in presente nga ada ha $70 ngada ha $95 kada bariles, nga babalyuan ha normal nga presyo hini nga $55 ntgada ha $65 kada bariles.
Ig aanunsyo naman han mga kumpanya han lana an opisyal nga presyo han mga produkto nga petrolyo ha Lunes ngan igpapatuman naman ha adlaw han Martes.
