Utro nga nagpakitang-gilas hi Pinay tennis star Alex Eala mahuman nga perdihon an Chinese tennis star nga hi Wang Xinyu ha straight sets ha iskor nga 6-4,6-3, agud makasulod ha third round han Italian Open.
Ha syahannga set, madagmit nga nakalamang hi Wang hin 3-0 pero bumawi hi Eala pinaagi han makusog nga rallies ngan drop shots nga naghatag haiya hin 6-4 nga daog.
Ha ikaduga nga set, nagkamay-ada hin dukot nga iskor pero ha 3-3 in nakakuha hin crucial break hi Eala ngan ginsarado an mulay ha 6-3.
An daog in nagserbi nga sweet revenge mahuman hiya nga perdihon ni Wang ha ASB Classic semifinals dida han Enero.
Ini gihapon an syahan nga higayon nga nakasulod hi Eala ha third round han usa nga clay-court tournament, pamatuod han iya padayon nga pagsaka ha WTA rankings.
Sunod niya nga makakatumparak an magdadaog ha mulay nira World No. 2 Elena Rybakina ngan Maria Sakkari, usa nga dako nga ayat ugsa an tikaharani nga Roland Garros.
