Emosyonal nga duro nga nagpapasalamat an P-pop girl group nga BINI mahuman hira kilal-on han Senado para ha iya makasaysayanon nga pag-perform ha international music festival nga Coachella.
Ngatanan han walo nga membro han grupo in umatender ha Senado dida han Myerkules kun diin gin aprubahan an Senate Resolution 370 ha ilarom han sponsorship ni Senador Bam Aquino.
Ha iya pahayag, ginatagan-duon ni Aquino nga an kalangpusan han BINI in pamatuod han kakarit han mga Pilipino ha internasyunal nga entablado.
Pira nga senador, kaupod nira Joel Villanueva, Raffy Tulfo, Erwin Tulfo, Risa Hontiveros, Jinggoy Estrada, Loren Legarda, ngan Kiko Pangilinan, an nagpahayag gihapon hin suporta ngan pagkilala ha grupo.
Sumala ha mga membro han BINI, dire nira ginlalauman an pagkilala ngan duro hiya nga na-overwelm ha pagkarawat han Senado.
Samtang, gintagan-duon ni Hontiveros an papel ni Mikha ha pag-promote han mental health ngan safe spaces, labi na para ha kababayen-an.
“Young women really do have a good role model in all of you,” sumala kan Hontiveros.
Nagpasalamat gihapon ni Mikha ha pagkilala ngan paghahatag hin pansin ha kapakanan han mga artista.
Iginpahayag naman han grupo an ira panawagan nga mas pahaluagon pa an suporta ha mga Pilipono nga artists ngan creatives, ngan tagan hin mas damo nga oportunidad an OPM ngan lokal nga talento ha global stage.
