NATIONAL–Narekober han Philippine Coast Guard (PCG) divers an tulo pa ka lawas tikang ha nalunod nga MV Trisha Kerstin 3 ha kadagatan harani ha Baluk-Baluk Island han ika 15 han Pebrero.
Durot hine, umabot na ha 57 an ihap han mga namatay, samtang, 293 an natalwas, ngan 22 pa an nawawara.
Sumala ha PCG, an opisyal nga ihap in tikang ha koordinasyon han PNP-SOCO, CDRRMO, Coast Guard District Southewestern Mindanao ngan mga pamilya han mga biktima.
Samtang, nagpasaka na hin kaso an Department of Transportation kontra ha 3 ka opisyales han Maritime Industry Authority (MARINA) kanit han pag-isyu hin safety certificates ha barko.
Posible nga overloading an usa ha mga hinungdan ha nasabi nga trahedya.
Ginaandaman na gihapon an kanselasyon han Certificate of Public Convenience han Aleson Shippign Lines, nga presente nga suspendido an operasyon samtang nagpapadayon an imbestigasyon.
