ODD NEWS – Maabot 23 nga mga lingkuran nga mayda timbang nga tag-tulo ka kilo an kada usa an akos balansehon han ngipon ni Hongxiao Li ha sakob hin 11 ka segundos.
Matungod ha iya kakaiba nga nahimo in nabuong niya an record nga nahipatik ha Guinness World Record nga 14 nga lingkuran nga akos naman balansehon han usa liwat nga lalaki nga taga-China .
Mababaruan nga gindumara ni Li an pagbalanse han mga lingkuran ha Dazu District ha Southwest China.
Subay ha 30-anyos nga hi Li nga sige la hiya hin praktis , ngan han 8-anyos pala daw ine han magtikang nga magbalanse hin magkadurudilain nga butang nga ig ba-bawbaw ha iya ngipon.
Manunumduman han tuig 2000 han syahan hiya nga mag probar nga magbalanse hin bamboo poles ha iya ngipon, ngan an mao nga pagbalanse in dire sugad kadagmit matungod nga duro ka bug-at han kawayan , ngan nagin rason gehapon ine han kasamad han iya baba nga kinahanglan nga tahion hin 18 stitches . Pero an mao nga panhitabo in dire sadang agud nga magpaluya kan Li lugod in mas gindugngan pa niya an mga butang nga babalansehon han iya ngipon.
