NATIONAL – Usa ha kada napulo nga bag-o nga kaso han nahipapatik nga human immunodeficiency virus o HIV ha syahan nga kwarte han tuig an nakuha pinaagi han transactional sex o pakikighilaws hin may kabalyo nga kantidad.
Subay ha ginpagawas nga datos han HIV and AIDS Surveillance of the Philippines, nagawas nga maabot ha 5,101 HIV cases an nahipatik tikang han Enero kutob Marso han presente nga tuig.
Tikang na nasabi nga numero, maabot ha 596 nga kaso o kaparehas han 12% an nakuha pinaagi han transactional sex ha sulod han nakalabay nga 12 kabulan.
Ginkakalakia ine han mga nagbabayad ngan nagpapabayad para ha pakikighilawas.
Tikang han mahipatik an transactional sex dida han 2012, umabot na yana ha kabug-usan nga 16,586 an nahipatik nga kaso.
Subay ha Department of Health, 54% o kaparehas han 8,962 tikang ha kabug-usan nga kaso in mayda history hin transactional sex ngan na-diagnosed tikang han 2020 kutob 2025.
Syahan na nga nanawagan an DOH ha Malakanyang nga magdeklara hin Health Emergency agud mabaton an padayon nga paghitaas han HIV cases ha nasud.
