Walhanun nga grupo, gintudlok an Calbayog Mayor komo Ulo han serye han panmatay han Siyudad; Alkalde ginbaton an akusasyon!
TACLOBAN CITY – – Ginkondina han Walhanun nga grupo ha Probinsya han Samar an daw malisyo nga pamahayag ni Calbayog Mayor Rolando Aquino nga an mga New People’s Army daw an nagpapaluyo ha mga panmatay ha siyudad han Calbayog ngan pira nga lugar han Western Samar.
Subay ha ginpagawas nga pamahayag ha mantalaan han Arnulfo Ortiz Command – New People’s Army Western Samar, nga diri hira an nagbubuhat han mga panmatay kundi lugod an mga Private Armed Groups (PAGS) nga ginpapadalagan daw han mao nga opisyal.
Sumala pa hini nga hi Aquino daw an nagpopondo, nagpapadalagan, ngan nagmamando ha Private Army nga ginpapanguluhan mismo han certain Genesis “Itin” Oquendo, Joel Canete, Richard Tamidles ngan usa nga alyas “Ino” nga taga Northern Samar.
Dugang pa han mao nga grupo nga hi Aquino an utok han pagpapa-patay han pira nga mga opisyales sugad nala han mga ABC President nga mga Belleza, Baranggay Kagawad nga hi Lopez Pedreza ngan iba pa nga mga Baranggay Kapitan.
Labot la hini, ginduon pa hini nga hi Aquino in nangunguna ha panmaligya hin Iligal nga droga ha Calbayog.
Mahugot naman nga ginpanhimuwa ni Calbayog Mayor Rolando Aquino an ginbatak nga alegasyon han mga walhanon grupo ala kontra ha iya.
Subay ha Ekslusibo nga pakipaghimangraw han Bombo Radyo Tacloban kan Mayor Rolando Aquino, nga waray hiya nanunumduman nga ginbul-iwan nga mga pulong nga an mga New People’s Army o NPA an nagpapaluyo han paptayay ha mao nga siyudad.
Posible daw nga ginbayaran la an nagpasamwak han diri maupay nga pulong han ira kalaban ha pulitika agud nga ini in Madaot.
“Nakakasubo la nga husgaran ako.. ngan kun may alegasyon hira ala kontra ha akon in pwede man ako nira hampangun ada manla ako ha opisina diri kay thru media without giving me any chance to explain kun ano an kamatuuran”, sumala kan Mayor Aquino
Mahugot nga ginpahimuwa liwat ni Aquino nga hiya an utok han panmatay han mga opisyales labi pa nga ada ha partido niya an urog nga ginpanmatay ha Calbayog.
Gin-ayat liwat hini an mga nag-aakusar ha iya nga hiya in magpapadrug test agud la nga diri ini dabi ha anuman nga Drug activities ha Siyudad han Calbayog.
