Gin akusaran ni Vice President Sara Duterte hi Pangulong Ferdinand Marcos Jr. han daw pagigin responsable hini ha gubot nga nahinabo ha Senado ngan han presente nga sitwasyon han nasud.
Subay ha Bise Presidente, may nahinabo nga “abuse of power” ngan kawaray pag respeto ha institusyon han Senado ha butnga han mga nakalabay nga tensyon ha sakob han lehislatura.
Gin malatumat pa ni VP Sara Duterte nga gingagamit han administrasyon an ngatanan nga makinarya han gobyerno kontra ha mga diri na suporta ha Presidente.
Mahitungod hini, gin baton han Malacañang an mga pamahayag ni Duterte kun diin, gin malatumat han palasyo nga mas maupay nga diri na gagaran an mga pamahayag han Bise Presidente, ngan gin tawag ini kumo waray basaran ngan waray sulod.
Subay ha Palasyo, kanahanglan han nasud an usa nga lider nga nakatudlok ha serbisyo publiko an atensyon ngan diri ha pagpapasarang hin intriga ngan sayop nga impormasyon.
