Ig sasapinal na ha maabot nga Miyerkules, Mayo 20 an pinal nga impormasyon kanit han nahinabo nga purugsilay ha Senado dida han Mayo 13.
Ha pagkayana, gin bibiling na han Department of the Interior and Local Government (DILG) an mga kopya han CCTV footage.
Gin kumpirma ni DILG Secretary Jonvic Remulla an pitad mahuman igmalatumat ni Acting Sergeant-at-Arms Mao Aplasca nga limitado an ira nabilngan nga CCTV footages.
Sunala kan Aplasca, waray nakuha nga footage nga nagpapakita ha aktwal nga gios han mga tawo han Senado ngan Philippine Marines samtang nagpupurogsilay.
Samtang, gin taga duon naman ni Remulla nga may-ada kapot nga video an departamento tikang ha media press nga presente gin kikita han mga awtoridad.
Manunumdoman, bumto an samok mahuman magpakita utro ha Senado hi Senador Ronald “Bato” dela Rosa kasunod han unom ka bulan hini nga pag tinago.
An pag absent han senador in nagtikang dida han mga espekulasyon kanit han arrest warrant hini tikang ha International Criminal Court (ICC).
Hi Dela Rosa in kaupod ha mga “indirect co-perpetrators” ha imbestigasyon han ICC han war on drugs ni anay FPRRD.
