TACLOBAN CITY – Ginpahibaro Valeriano C. Yancha Memorial Agricultural School Basey Samar, nga padayon hira mangangarawat hin mga enrollees ha ira eskwelahan kutob ha Agusto 22, 2022 para ha yana nga school year 2022-2023.
Sumala kan Margarita Malatbalat Macatimpag, Senior Highschool Coordinator han VCYMAS, nga hapagkyana mayda na hira enrollees nga 174 nga mga estudyante para ha mga grade 11, samtang 140 naman ha grade 12.
Dugang pa han mao nga opisyal, padayon hira nga makarawat hin mga estudyante ha kaluyo nga gutiay nala an panahon ugsa nga magtikang an face to face classes.
Ginmalatumat pa han mao nga opisyal, nga naglalaom hira nga madudugangan pa an ira mga enrollees yana nga semana.
Nananawagan naman ine ha mga taga Basey Samar, nga plano umiskwela yana nga school year han ira K12 in bumisita na ha ira ekswelahan.
