Pormal na nga nahuman an Palarong Pambansa 2026 nga gin dumara ha Agusan del Sur, kundiin nanguna ha medal tally an National Capital Region kundiin, umabot ha 91 an nakuha hini nga gold, 71 nga silver, ngan 71 nga bronze para ha kabug-usan nga 233 nga medalya.
Nag ika-duha naman an CALABARZON (Region IV-A) nga may-ada 55 gold, 50 silver, ngan 60 nga bronze o kabug-usan nga 165 nga medalya, samtang aada naman ha ika-tulo nga puwesto an Davao Region (Region XI) nga may-ada 34 nga gold, 32 nga silver, ngan 34 nga bronze o an kabug-usan nga 100 nga medalya.
Kaupod ha top 5 an Central Visayas (Region VII) nga may-ada 106 nga medal, an Western Visayas (Region VI) nga may-ada 112 nga medalya.
Samtang, nag ika unom naman ha puwesto an Caraga Region (Region XIII) nga may-ada 97 nga medalya, kasunod an Northern Mindanao (Region X) nga nakakuha hin 89 nga medalya.
Samtang, ha 20 nga delagasyon, an Association of Philippine Schools Overseas (APSO) an waray may nakuha nga medalya ha mao nga paugnat hin kusog.
Ha lain nga bahin, kadungan han pagtatapos han kompetisyon, in pormal nga gin karawat ni Mayor Joy Belmonte an pagigin host han Quezon City para ha Palarong Pambansa 2027 kun diin, urhi nga nag host an syudad dida han tuig 1966.
Subay kan Belmonte, puno hin kasaysayan an Quezon City ha larangan hiton sports, kaupod na an pagdumara han dako nga mulay han boxing legends nga hira Muhammad Ali ngan Manny Pacquiao, sugad man an mga ginkikilala nga atlete sugad kan Alex Eala nga nag tikang ha mao nga syudad.
