Gin andam na han Bureau of Jail Management and Penelogy (BJMP) an detention cell ni Senator Jinggoy Estrada ha New Quezon City Male Dormitory ha Payatas.
Ginmalatumat ni Interior Secretary Jonvic Remulla nga iya ginsigurado an kaandaman nira ha oras nga gumawas na an warrant of arrest ni Estrada ha kaso nga plunder tikang ha Fifth Division han Sandiganbayan.
Naatubang an Senador ha kaso nga plunder nga may paghisumpay ha P573 milyon nga kantidad hin kickbacks tikang ha magkadiru-dilain nga flood control projects.
Manunumduman nga dida han Biyernes in nagsalawad hi Estrada in pyansa nga maabot ha P90,000 para ha kaso hini nga graft kaupod hi anay Department of Public Works and Highways secretary Manuel Bonoan ha Sandiganbayan Second Division.
Pero gin klaro ni Remulla nga aada ha Sandiganbayan la gihapon an desisyon kun diin nira igbubutang hi Estrada ha oras nga gumawas na an warrant of arrest hini ha kaso nga plunder.
