Maduon nga igindiwara han kampo ni Leyte Representative Ferdinand Martin Romualdez an mga patama han Office of the Ombudsman nga hiya an “mastermind” ha iregularidad ha mga flood control projects mahitungod ha daw pagkakamay-ada hin “functional control” ha nasyunal nga pondo dida han hiya pa an Speaker han Kamara.
Ha usa nga opisyal nga pahayag, gintagan-duon ni Atty. Elaine Atienza, tagapagyakan ni Romualdez, nga waray kamatuuran an akusasyon ngan waray uusa nga opisyal an mayda solo nga kapot ha pag-paruba han pondo han gobyerno.
“Linawin po natin: there is no such thing as ‘functional control’ over the budget process. Hindi po ginagawa ng iisang tao ang national budget. Hindi ito hawak ng iisang opisina lamang, at lalong hindi ito kayang diktahan o kontrolin ng House Speaker,” sumala kan Atienza.
Ginbuhat han kampo ni Romualdez an pagklaro mahuman nga magpagawas hin pahayag an Ombudsman nga nagsusumpay ha magbabalaod ha nasabi nag anomaliya basar ha iya nagin posisyon ha Kamara.
Pag-eksplikar ni Atienza, an nasyunal nga pondo in naagi ha usa nga halaba nga “multi-layered” nga institusyonal nga proseso.
Nagtitikang ini ha mga ahensya han Ehekutibo para ha National Expenditure Program (NEP), ugsa sumalang ha magkabulag nga deliberasyon ngan pagdungog ha Kamara ngan Senado.
Nagpapailarom gihapon ini ha Bicameral Conference Committee ugsa igpadara ha Presidente para ha pinal nga pag-apruba o pag-veto.
Iginduon han abogado nga waray kapas an mga magbabalaod o an Speaker nga magpagawas hin pondo, magpatuman hin mga proyekto, o mag-inspeksyon ha mga nahuman nga imprastraktura.
Nanawagan an kampo han magbabalaod para ha igkakamurayaw ngan patas nga pagtratar, kadungan han pahinumdom nga an pagbaton in kinahanglan nga subay ha madig-on nga ebidensya ngan dire ha mga espeskulasyon o posisyon han gobyerno.
Ginpahayag naman ni Atienza nga andam hi Romualdez nga kaatubangon ngan batunon an ngatanan han mga akusasyon pinaagi han sakto nga proseso han balaod.
” We therefor call for sobriety, fairness and fidelity to the rules. Sweeping public pronouncements that point to Rep. Romualdez as the grand architect of a collegial and multi-faceted process involving the Executive, the House and the Senate don not help the search for truth,” pahayag ni Atienza.
