-- Advertisements --
TACLOBAN CITY – Patay an usa katawo ha nanabo nga bungguay hin duha nga single nga motorsiklo
Ginkilala an biktima nga hi Elpidio Amatosa, 50 anyos an pangidaron, driver han single nga motor, usa nga parag- uma ngan residente han Brgy. Sto. Niño Villareal, Samar.
Samtang, ginkilala naman an usa pa nga driver han single nga motorsiklo nga hi Benito Bardaj, 27 anyos an pangidaron ngan residente han Brgy. Lam-awan ha parehos gihapon nga bungto.
Subay ha inisyal nga imbestigasyon han mga otoridad, malaksi an padalagan han duha nga sarakyan rason para m magbungguay ini ha pagliko ha mao nga karsada.
Dayon naman nga gindara an duha nga driver ha ospital pero gindeklara nga dead on arrival hi Amatosa.
