Nagpagawas han opisyal nga pahayag an Partido Demokratiko Pilipino (PDP) kasumpaay ha nahipatik nga paggawas han daw arrest warrant tikang ha International Criminal Court (ICC) kontra kan Senador Ronald “Bato” Dela Rosa.
Sumala kan PDP Vice National Spokesperson Ferdinand Topacio, kun mapapamatud-an nga tinuod an nasabi nga warrant, ini in daw usa naliwat nga matindi nga pagtamak ha soberanya ngan kagawasan han Pilipinas kumo usa nga libre nga nasud.
Ginbatikos gihapon han partido an administrasyon Marcos mahitungod ha padayon nga pakikigsumpayan hini ha ICC ha kaluyo han pag-iwas han nasud ha Rome Statute.
Duon han PDP, kinahanglan igduon han gobyerno an kalugaringon nga hurisdiksyon ngan dire tugutan nga maapektaran an dignidad han libre nga nasud ngan dire umakto kumo “neo-colonial lapdog” han Western powers.
Kinahanglan daw gihapon dire pabay-an nga mautto an katalawan ngan katrayduran nga ginbuhat hadton kontra kan anay Presidente Rodrigo Duterte.
“Marcos must remember that one mistake cannot be corrected by another one,” pahayag han partido.
Gintagan-duon gihapon han PDP nga hi Dela Rosa in gintudlok han milyun-milyon nga Pilipino ngan angay la nga maproteheran an iya mga katungod ngan due process.
Gin sigurado naman han partido nga gagamiton hini an ngatanan han legal nga paagi agud depensahan dire la hi Dela Rosa, kundi magin an katungod han kada Pilipino kontra ha pan-aabuso ngan pamumulitika.
Nanawagan gihapon an PDP ha publiko nga balabgan an anuman nga pitad nga pagtalapas ha katungod han mga residente, pinaagi han mga paagi nga nasusubay ha balaod.
