Ginpapahirot han Philippine Travel Agencies Association (PTAA) an publiko kontra ha fake bookings durante han summer season.
Damo ha mga peke nga bookings, subay ha grupo, in nairerehistro ha magkadiru-dilain nga social media sites.
Pahinumdom ni PTAA Inbound Committee Member Fe Abling Yu ha mga bakasyunista, pirme siguraduhon nga lehitimo an mga nakakaistorya ngan mayda lehitimo nga contact number ngan aktwal nga address.
Ugsa magpadara hin bayad para ha mga scheduled vacation, kinahanglan beripikahon anay an mga ini, sugad han pamiling han ira background, business information, ngan iba pa.
Ginpapaghirot gihapon ni Yu an publiko ha basta nala nga pagbabayad pinaagi han e-wallet ngan iba pa nga paagi han pagbabayad.
Ginbuhat han PTAA an pahimatngon kadungan han ginlalauman nga pagdamo han mga magbabakasyon yana nga summer season nga posible ginsisingabot gihapon han mga fake booking sites, ngan mga scammer.
