Ginhangyo han National Union of Peoples’ Lawyers (NUPL) ha Korte Suprema an pagdudumara hin judicial review ha kaso ni Mary Jane Veloso.
Ginsalawad han grupo an Motion to Resolve agud aksyunan an Petition for Habeas Corpus nga syahan nga ginpasaka dida pa han Nobyembre 2025.
Ha bag-o nga petisyon han NUPL, nakasurat dinhi an posisyon han kampo ni Veloso nga an iya padayon nga pagkakapreso ha kaluyo hin kawaray judgement in lantaran nga pagtalapas han iya katungod.
Nakasurat gihapon dinhi nga mahitungod nga biktima hi Veloso han human trafficking, an padayon nga pagpreso o pagdetine ha iya iya usa nga inhustisya nga kinahanglan mabaton ha mas madagmit nga panahon.
Samtang, nakalakip ha petisyon han NUPL an handwritten ni Veloso nga naka-address kan Chief Justice Alexander Gesmundo.
Nakasurat dinhi an apela ni Veloso para ha iya paggawas tikang ha presente kun diin gintagan-duon niya nga waray basaranan an iya pagkakapreso, labi na an sentensya nga reclusion perpetua.
Ginpahayag gihapon ha surat ni Veloso an iya apela ha mga hukom han SC nga para ha iya pagigin nanay nga maiha na nga nahibulag ha iya mga anak, in unta mapagawas na hiya.
Apela ni Mary Jane, an yana nga Mother’s Day, Mayo 10 in an ika-17 kabeses han dire niya nakakaupod an iya duha nga anak, nga nagpapakita kun gaano kaiha hira nga waray nanay nga nag-gigiya ngan aatiman ha ira.
