Gin sigurado han Philippine Rural Electric Cooperatives Association (PHILRECA) an kaandaman han mga electric cooperatives nga bumaton ha kamanduhan nga dire anay magpatuman hin disconnection ha mga power consumer.
Ini in kasunod han direktiba han Energy Regulatory Commission (ERC) nga temporaryo nga ig undang an disconnection ha konsumo han kuryente tikang Mayo kutob Hunyo.
Sumala kan PHILRECA Executive Director Atty. Janeene Depay-Colingan, an dam an mga electric cooperatives ha bug-os nga nasud nga bumaton ha bag-o nga kamaduhan.
Ha kamatuuran daw, dire na bag-o ha mga electric cooperative an sugad nga sitwasyon mahitungod nga naeksperyensyahan na ini dida han COVID-19 pandemic ngan ha panahon han iba pa nga kalamidad.
Dinhi in waray anay igpatuman han power cooperative an mga disconnection notice ngan gintudlok nala ha iba nga bulan.
Samtang, dugang pa hini, nagsusunod na gihapon an 111 electric cooperatives ha tunga-tunga nga pagbayad hin electric bill, para ha mga nakonsumo hin kutob 200 kWh.
An direktiba han ERC in kadungan la gihapon han presente nga krisis ha produkto nga petrolyo durot han kasamok ha Middle East.
