INTERNATIONAL–Utro nga nagbuhat an US military hin mga air strikes ha tulo kasakayan pandagat nga mayada dara han gin-aaligar nga iligal mga droga ha Eastern Pacific Ocean.
Sumala ha US Southern Command, nga an pinaka urhi nga insidente in nagdurot ha pagkamatay hin 8 katawo.
An nasabi nga operasyon in basar ha mando ni US Secretary of War Pete Hegseth ngan an Joint Task Force Southern Spear.
Mahuman kompirmahon han intelligence report nga an nasabi nga sakayan in gin-operate ni Designated Terrorist Organizations in dayon nira ginbuhat an mga airstrikes ha international waters.
Tikang pa han Setyembre in ada 95 katawo na an namatay matungod ha pira nga operasyon han US military kontra ha mga sakayan nga mayda dara nga illegal nga droga.
Syahan na nga ginpahayag ni US President Donald Trump nga ira uuboson an mga drug cartels nga nagdadara hin iligal nga droga ha US.
