Igindiwsara han United States Central Command an report nga naigo han Iran an usa nga U.S. Navy vessel, kasunod han pahayag han pira nga Iranian news agencies nga daw mayda gin atake nga barko harani ha usa nga port ha southeast han Strait of Hormuz.
Subay ha Iran, an nasabi nga barko in nagtalapas ha maritime security ngan napiritan nga umatras. Pero duon han U.S. Central Command, waray bisan ano nga navy ship an naigo ha insidente.
Kadungan hini, iginpahyag han US military an bag-o nga inisyatiba nga gin endorso ni President Donald Trump, kun diin posible nga gumamit an naval ngan air assets agud giyahan an mga commercial vessels ha Strait of Hormuz, kun diin damo nga barko an naiipit mahitungod ha tensyon.
Subay ha report, pira nga barko an gin atake o ginpupugngan han Iran kun waray katugutan an mga ini.
Gin suhestyunan naman an mga barko nga uamgi ha mga katubigan han Oman ha butnga han gintukod nga “enhanced security area.”
Gintawag han Iran an pitad han Estados Unidos nga pagtalapas ha nagpapadayon nga ceasefire, samtang gintagan-duon naman han US nga kaparte ini han “Project Freedom” nga panuyo buligan an mga na-stranded nga seafarers nga naaatubang ha kakulangan han pagkaon ngan tubig ha butnga han kasamok.
