
Siyam katawo an patay ngan dire maubos ha 28 an samaran mahuman maglunsar an Russia hin haluag nga missile ngan drone attack ha Ukraine nga nag-iha hin sobra 10 kaoras.
Subay ha Ukrainian authorities, sobra 400 attack drones ngan 110 missiles, kaupod an 27 ballistic missiles, an ginamit ha pag-atake, pira ha mga naigo in mga tulay, imprastraktura han kuryente, ngan mga residential building.
Ha pahayag ni Ukrainian President Volodymyr Zelenskyy, kaupod ha mga target an mga pasilidad nga nagsusuplay hin kuryente ha mga nuclear power plant ngan nagsusumpay ha power grid han Ukraine ha mga kahigrani nga nasud hini ha European Union.
Gin kondena gihapon ni Zelenskyy an paggamit han Russia hin cluster warheads ngan an daw susrunod nga pag-atake agud pugngan an rescue operations ngan paghingayad ha mga naguba nga pasilidad.
Gin kondena naman ni NATO Secretary General Mark Rutte an pag-atake ngan an paghaluag han epekto hini ha teritoryo han alyansa.
Nanawagan ni Zelenskyy ha mga kaalyado han Ukraine nga palaksihon an pagdudul-ong hin air defense systems ngan PAC-2 ngan PAC-3 missiles agud maproteheran an nasud kontra ha mga masunod nga pag-atake.


_2026_11_18_08_13_14.jpg)


