TACLOBAN CITY – Maabot ha kabug-usan nga 254 nga jobseekers an na hired on the spot, durante han gindumara nga mga job fair han Department of Labor and Employment Regional Office 8 dida han mga nakalabay nga adlaw.
An mao nga job fairs nga gindumara ha Tacloban City Convention Center, Ormoc Superdome, ngan Samar Convention Center ha Catbalogan City, in nagsirbe kumo pangunahon nga platform nga nagsusumpay ha mga jobseekers o namimiling hin trabaho ha mga oportunidad.
Basar han datos han DOLE-RO8, 68 an nahipatik nga hired on the spot nga aplikante ha Tacloban City, 119 naman ha Ormoc City, ngan 67 naman ha Catbalogan City. 22 ha mga na-hire in mga benepisyaryo han Pantawid Pamilyang Pilipino Program o 4Ps ngan 36 naman dinhi an Senior High School graduates.
Aaada naman ha kabug-usan nga 2,054 nga jobseekers an nahipatik han buhatan kun diin, 1,354 ha Tacloban City, 533 ha Ormoc City, ngan 168 naman ha Catbalogan City.
Ha kabug-usan nga ihap, 977 nga aplikante an kwalipikado ha posisyon nga ira gin-aplayan, 257 naman an near-hires o mga aplikante nga ginkokonsidera para employment pero kinahanglanon pa hin kadugangan nga resikitos o assessment.
Samtang an pagdumara naman han DOLE hin job fair in kumo kaparte han panuyuan han gobyerno nga mapakusog an employment rate han nasud ngan matagan hin oppurtunidad an molupyo partikular na an kaparte han bulnerable nga sektor
