Utro nga nagin sentro han world fashion an Met Gala 2026 ha New York City, kun diin tampok an tema nga “Costume Art” ngan dress code nga “Fashion Is Art.”
Ginbuhat dida han Mayo 4 ha Metropolitan Museum of Art, kun diin igiparayaw han mga star celebrity an magkadiru-dilain nga interpretasyon han art pinaagi han avant-garde ngan sculptural fashion pieces.
Kaupod ha mga kapansin-pansin nga look hi Heidi Klum, nga nagpabilib kumo “living marble sculpture” nga inspirasyon ha 1847 artwork nga Veiled Vestal. Subay ha iya, panuyo han iya outfit nga pagdungtungon an fashion ngan fine art.
Nagpabilib gihapon hi Madonna ha all-black ensemble nga mayda sheer veil ngan sculptural headpiece, nga inspired ha usa nga painting ni Leonora Carrington.
Usa pa ha mga nagin sentro han atensyon hi Lisa, nga kalakip ha host committee, mahitungod ha iya shimmering white Rober Wun gown nga mayda sculptural arm-like structure nga nakapot ha veil.
Umatender gihapon hi Beyoncé kaupod an iya pamilya ha iya comeback Met Gala mahujan an 10 katuig, sul-ot an sheer gown nga mayda skeleton-inspired embellishments. Kaupod niya hi Blue Ivy Carter nga sul-ot an white Balenciaga balloon dress, samtang hi Jay-Z in umatender gihapon ha event.
Magkadungan naman nga rumampa hira Rihanna ngan A$AP Rocky, sul-ot an Maison Margiela ngan babay pink coat nga mayda metallic illusion details.
Nagin irustoryahon gihapon hi model-activist Lauren Wasser ha iya gold-themed Prabal Gurung suit, nga nasalamain ha iya personal nga istorya kumo survivor han toxic shock syndrome.
Kaupod pa ha mga kapansin-pansin hira Kendall Jenner, Hailey Bieber, ngan SZA, nga kada usa in nagpakita hin kada-iya artistic interpretation han tema.
Usa ha nagin sentro han diskusyon hi Anok Yai ha iya Black Madonna-inspired look, nga mayda halarom nga karuyag-sidngon.
Samtang, bumilib naman an mga attendees ha hand-painted Mugler gown ni Emma Chamberlain, nga nag-iha hin pira kaadlaw ugsa mahuman mahitungod ha detalyado nga artwork.
