Gin deklara han Russian army an “unilateral ceasefire” ha Ukraine.
Subay ha Russian Defense Ministry, magigin epektibo ito ha butnga han Mayoa 8 ngan Mayo 9 kadungan han pagmarka han World War II Victory Day.
Ha usa nga pahayag, ginmalatumat han ministry nga ini in subay ha desisyon han Supreme Commander-in-Chief han Russian Armed Forces nga hi Russian President Vladimir Putin.
Sugadman, ginmalatumat han Russia nga ini para ha humanitarian consideration ngan agud tagan-dalan an mga selebrasyon han Victory Day.
Ha kaluyo hini, magpapabilin ha defense position an Russian forces ngan naghulga hin mabug-at nga baton ha oras nga talapason han Ukraine an ceasefire.
Ha parte naman han Ukraine, nagpadayon ini hin kalugaringon nga ceasefire tikang ha Mayo 5 kutob Mayo 6, ngan iginkokonsidera naman nga dire seryoso an ginhahatag nga truce han Russia.
An Victory Day yana nga tuig ha Russia in an ika-81 nga anibersaryo han kalangpusan han Soviet Union kontra ha Nazi Germany dida han World War II.
