WASHINGTON D.C., USA – Ginpahayag ni US President Donald Trump nga dire hiya nalilipay ha pinakabag-o nga alok han Iran para ha negosasyon, senyales nga posible magpadayon an deadlock ha kasamok.
Dugang pa hini, mayda mga gin aaro an Tehran nga dire niya akos karawton, bisan nagpapadayon an kumunikasyon han duha nga parte.
Sumala naman kan Iranian Foreign Minister Abbas Araqchi, abri an Iran ha diplomasya kun babag-uhon han US an agresibo nga approach, pero nagpapabilin nga nakaalerto an ira pwersa kontra ha posible nga pag-atake.
Kadungan hini, utro nga nagmapaso an tensyon ha mga kaalyado nga mahuman igpahayag an pag-withdraw hgan tropa han US tikang ha Germany, kasunod han dire pagkakaintindihay kan German Chancellor Friedrich Merz.
Ha kaluyo han ceasefire, nagpapabilin nga kritikal an isyu ha Strait of Hormuz, nga apektado an dako nga parte han global oil supply, sanglit padayon an pagkabaraka ha ekonomiya ngan paghitaas han presyo han lana.
