-- Advertisements --
VATICAN CITY – Ginhinumdum han lider han Simbahan Katolika nga hi Pope Leo XIV an mga journalist nga namatay ha giyera ngan karahasan kadungan han pagselebrar han tinuig nga World Press Freedom yana nga Mayo.
Ha iya sinemana nga pag-ampo ha St. Peter’s Square, gintagan-duon han Santo Papa nga kinahanglanon alalahanon an mga journalist nga nawarayan hin kinabuhi samtang ginbibiling an kamatuoran ha mga lugar nga may kasamok.
Ginmalatumat ni Pope Leo nga an mga nasabi nga journalist in biktima han kasamok ngan karahasan, ngan gindayaw hini an ira kamag-isog nga maghatag hin impormasyon ha butnga han kadelekaduhan.
Gintagan-duon gihapon han Santo Papa nga an impormason in usa nga “public good” nga dapat proteheran kontra ha manipulasyon.
