Nagpagawas an Bureau of Internal Revenue (BIR) hin Revenue Memorandum Circular No. 38-2026 nga nagtutudlok han paggamit ngan obligado nga pagbubutang han BIR Registration Seal Badge para ha mga negosyo nga nakita ha online platforms.
Sakop han aludayday an mga online seller, freelancer, propesyonal, vlogger, influencer, ngan iba pa nga indibidwal nga nakita ha digital economy.
Imbes nga ipaskil ha bug-os nga Certificate of Registration (COR), an badge nga mayda QR Code tikang ha Online Registration and Update System (ORUS) an kinahanglan agud maproteheran an sensitibo nga impormasyon sugad han TIN ngan business address.
Libre an pagkuha han badge ngan pwede makuha online o Revenue District Office, pero mayda P30.00 Documentary Stamp Tax para ha mga nag-a-update hin rehistro online.
Dire obligado nga balyuan han mga presente nga taxpayer an ira COR nga waray QR code, pero gin aaghat hira nga mag-update para ha mas hapsaynga beripikasyon.
Sumala kan BIR Commissioner Charlito Martin R. Mendoza, kaparte ini han Revenue Collection and Base Protection efforts han BIR DARES agud masigurado nga an mga negosyo ha digital marketplace in rehistrado, nakikita, ngan accountable tikang ha katikangan.
Dugang pa hini, an Seal Badge in naghahatag hin proteksyon ha mga lehitimo nga online seller ngan nagseserbi nga giya ha mga mamaralit agud madagmit nga matudlok kun rehistrado ha BIR an ira transakyon.
