TACLOBAN CITY – Nahimas na ha matugnaw nga rehas an usa nga padre de pamilya mahuman hini nga sunugo an kalugaringon nga balay ngan mapatay ha sunog an kalugaringon nga anak ngan umangkon ha bungto han Catarman, Northern Samar.
Ginkilala an suspek nga hi Fernando Ford Frigillana, 39 anyos ngan residente han mao nga bungto.
Samtang an mga biktima in edad 16 anyos ngan 13 anyos pa la.
Sumala kan SFO2 Rubin Calumpiano han Catarman, una anay nga nangayat hin away an mao nga suspek nga kumuha pa hin pisaw tungod han epekto han makahurubog nga irimnon.
Nasaway naman ini han iya mga paryente ngan nagdesisyon nga pumahuway anay.
Han katutnga na han kagab-ihon in nakagmata an usa hini nga paryente han nagkakalayo na an ira balay.
Subay ha imbestigasyon, gasolina an gingamit han suspek ha pagsunog han ira panimalay.
Tungod nga nangangaturog an mga biktima han mahitabo an insidente, waray an mga ini makagawas para maisalbar an ira mga kalugaringon tungod nga nakapadlock tanan han mga purtahan ha ira balay.
Nakatalaan naman pasakahan hin patong-patong nga kaso an mao nga suspek
