METRO MANILA – Ginmalatumat ni Sen. JV Ejercito, nga posible magbag-o utro an liderato ha Senado kasunod han mga nakalabay nga pagbabag-o hine.
Subay ha opisyal, posible an anuman nga posibilidad pagdatong ha liderato, depende ha magigin sitwasyon ngan suporta han mga Senador.
“Anything is possible. Kahit naman yung kay Senator Sotto, 15 yung majority, 9 yung minority…. Anything is possible. Na as we go along, kung mayroong reason. The leadership serves the pleasure of the senators,” pahayag ni Ejercito.
Manunumduman nga han Mayo 11, nagkamay-ada hin pagbabag-o ha liderato han Senado mahuman an gintatawag nga “coup” han Duterte bloc, nga nagpatalsik kan Sen. Tito Sotto III ngan nagluklok kan Senate President Alan Peter Cayetano.
Ha botos nga 12-9, nakuha ni Cayetano an pinakahitaas nga posisyon ha Senado, samtang hira Ejercito ngan Sen. Migz Zubiri in nag-abstain han burotosay.
Mahitungod han reorganisasyon, gindeklara nga bakante an ngatanan nga posisyon ha Senado, lakip na an mga commite chairmanships, nga nagresulta ha pagkansela han pira nga hearing han mga komite.
Ha iya speech ha sesyon han Mayo 11, gintagan-duon ni Cayetano an panginahanglan nga likayan an kasamok ngan pag-pokusan an trabaho han Senado.
“Ngayon lang naman po tayo may division, e, dahil mabigat ang politika. Pero actually, we worked together…”
“Basta lahat ng gagawin natin, huwag tayong magsisisi. Huwag tayong gagawa ng pagsisihan natin…” dugang pa hine.
