Gin anunsyo ni anay Cavite 4th District Representative Kiko Barzaga nga iya ig-eendorso an kandidatura han iya nanay nga hi Dasmariñas City Mayor Jenny Barzaga para ha tikaharani nga special election ha ikaupat nga distrito han Cavite.
Ha usa nga social media post dida han Biyernes, ginmalatumat ni Kiko nga nalilipay hiya nga igpakilala an iya nanay nga dire naman baguhan ha politika.
Dida han Hulyo 17, opisyal na nga nagsalawad hin certificate of candidacy (COC) hi Mayor Jenny, kun diin nakatalaan hini makatugbang an upat pa nga kumandidato gihapon para ha nasabi nga posisyon nga pagbubuhaton ha nasabi nga distrito.
”With your trust and support, I remain committed to serving every Dasmarineño and continuing the progress of our beloved City of Dasmariñas,” sumala kan Alkalde.
Samtang, ginmalatumat gihapon ni Barzaga nga dire na hiya utro madalagan ha special elections. Sumala pa ha haiya, mas pipilion nala niya magbakasyon kaysa utro nga dumalagan ha piniliay.
Manunumduman nga na-expel hi Barzaga ha Kamara dida han Hunyo 2 mahuman aprubahan han mayorya han mga kongresista an iya pagpapatalsik. Nagserbi hiya kumo tinaglawas han ikaupat nga distrito han Cavite ha sulod han haros 11 kabulan.
