METRO MANILA – Naghimo hin ‘special panel of prosecutors’ an Department of Justice agud maglunsar hin imbestigasyon kasumpay han insidente nga nahitabo ha Senado yana nga semana.
Ha pag-atubang ni Justice Secretary Fredderick Vida ha publiko, gin-anunsiyo hine an pagbug-os han espesyal nga grupo.
Subay ha opisyal, panuyuan han “special panel” nga magkamay-ada hin komprehensibo nga “case buildup investigation” agud mapanginano ngan maibestigahan hin tuhay an mga nahitabo ha sulod ngan gawas han Senado.
Dugang pa, tutugutan an mga piskal nga nakatalaga ha grupo nga matagan hin otoridad agud mag-isyu hin subpoena kun kinahanglan.
Kasumpay hine, ginmando ni Justice Sec. Vida ha mga law enforcement agencies, nga igsumite ha ahensiya an mga ebidensiya nga kapot o nakalap ha insidente ha Senado.
Partikular hine nga ginmanduhan mga makipagbinuligay an Philippine National Police-Scene of Crime Operatives, National Capital Regional Police Office, Pasay City Police Station ngan National Bureau of Investigation.
An nasabi nga mga ahensiya in gintagan hin 48 ka-oras agud igpreserba ngan igsumite ha DOJ an mga ebidensiya nga may kalabutan ha mga nahitabo ha ‘Senate Complex’ han Mayo 11 kutob 13.
Ginmanduhan gihapon an Office of the Senate Sergeant-at-Arms ha pamamaagi han opisina ni Senate President Alan Peter Cayetano, nga igsumite ha ira an mga nagin report han insidente.
Lakip hine an pagpasa o pag-turn-over han mga ebidensiya sugad han CCTV footages, ballistic and paraffin examination results, deployment records, communication logs, incident reports, witness statements, ngan iba pa.
