USA – Pakyas nga maipasa han U.S. House of Representatives an Democratic-led resolution nga panuyuan pugngan an military operations ha Iran samtang waray desisyon tikang ha Kongreso.
Ha botos nga 212-212, waray maipasa an balaudnon nga naglilimitar han kapas han administrasyon ni U.S. President Donald Trump.
Mahitungod han simple majority requirement, waray ine aprubahi ha kaluyo han dikit nga agwat han botos.
Ine na an ikatulo kabeses yana nga tuig nga ginprobaran pugngan han mga manbaralaod an military operation ha Iran.
Siyahan ine nga napaghisgotan ha 60 kaadlaw nga deadline han Mayo 1.
Manunumduman nga una na gihapon nga gindeklara ni Trump nga “terminated” na an ceasefire ha Iran.
Mas dikit an nagin burotosay ha Senado, diin na-block an usa nga war powers resolution ha 50-49 nga botos han Miyerkules, mahuman sumuporta an 3 nga Republicans lakip an haros ngatanan nga Democrats labot la ha usa nga miyembro hine.
