INTERNATIONAL – Gin anunsyo han Brave 1, usa nga state-backed defense investment group han Ukraine, nga gintugutan niras an mga foreign arms companies nga prubaran an pira pinakabag-o nga teknolohiya ha mismo front line han gyera kontra ha Russia ha ilarom han programa nga ”Test in Ukraine.”
Ha nasabi nga iskima, magpapadara hin armas an mga kumpanya ha Ukraine, maghahatag hin online training, ngan huhulton an feedback tikang ha mga sundalo nga aktwal nga gagamiton an mga ine ha away.
Sumala kan Artem Moroz, Head of Investor Relations han Brave1, dako na an interst ha programa pero dire pa hiya nagpapahayag han partikular nga kumpanya nga kaapi o detalye kasumpay ha posible nga gastos.
Panuyo han programa nga mapadagmit an paghibaro han epektibo nga teknolohiya ha kasamok ha Russia, samtang ginbubuligan an mga langyawanon nga kumpanya nga makita kun hain ha ira produkto an tinuod nga nagana ha aktwal nga combat conditions.
