Igin diwara han Iranian Oil Terminals Company an mga reports kasumpay han daw oil leak harani ha Kharg Island, usa ha pangunahon nga oil exports hubs han Iran ha Persian Gulf.
Gumawas an mga report mahuman magpakita an satellite imagery hin dako nga oil slick ha kadagatan nga ada ha weste han islan dida han mga nakalabay nga adlaw.
Subay ha chief executive han kompanya, nagdumara hira hin mahugot nga inspeksyon ha mag storage tanks, pipeline, loading facilities, ngan mga tanker ha lugar pero waray hira nakita nga anuman nga senyales hin tagas han lana.
Ginmalatumat gihapon han opisyal nga waray nahipatik nga oil leakage an Marine Emergency Mutual Aid Center o MEMAC, usa nga regional marine poluution monitory body.
Dugang pa hini, nagdumara an mga Iranian teams hin kadugangan nga field inspection ngan laboratory testing mahuman magsarang an mga report, pero waray hira natudlok bisan gudti nga tiagi hin oil spill.
