INTERNATIONAL – Iginpahayag ni French President Emmanuel Macron nga posible nga magkaada na hin ceasefire deal ha butnga han Ukraine ngan Russia ha mga masunod nga semana.
Ini in kasunod han pakighimangraw ni Marcon kan United States President Donald Trump ha White House, ngan pagbaribad han Amerika ha resolusyon nga nagkokondinar ha invasion han Russia ha Ukraine, nga nagresulta ha giyera nga aada na ha ika-tulo nga tuig.
Ha pakikig-hampang han French President kan Trump, gintagan doon hini nga dire dapat igsurrender an Ukraine ha bisan ano nga peace deal ha Russia ngan kinahanglan in suportaran an Ukraine ha pamamaagi han security guarantees.
Nakigharampang na gihapon hiya ha 30 nga iba pa nga European leaders ngan mga kaalyado ngan damo ha ira an andam nga magin kaparte han security guarantees para ha Ukraine.
Sumala naman kan Trump nga karuyag niya nga magkamayda na hin ceasefire ha butnga han Ukraine ngan Russia ngan gindoon hini nga an magigin gastos ngan pas-anon ha pagduduso han kamurayawan in kinahanglan nga baydan han mga nasud ha Europa ngan dire la han Amerika.
