ODD — Naging viral ngan nakakuha hin maabot 3 million views an interview han usa nga Youtuber ha tattoo artist nga hi Ong Dam Sorot matungod ha kontrobersiyal nga setup ha iya panimalay kun diin naruyag hini nga mag-urupod ha uusa nga atop an iya walo nga asawa.
Gin-istorya ni Ong Dam Sorot ha nasabi nga YouTube video kun patiunan o niya nakilala an iya walo nga misis.
An una niya nga misis nga hi Sprite in nakilala niya ha kasal han kamag-anak. An misis number 2 nga ni L in ha merkado, hi misis number 3 nga hi Nan in ha ospital.
An ika-upat, ika-lima ngan ika-unom naman in ha Instagram, Facebook ngan TikTok. An ika-pito nga misis nga hi Film in ha usa nga Buddhist temple ngan an ika-walo nga misis nga hi Mai in ha usa nga beach ha Pattaya.
Subay ha walo nga misis, hi Ong Dam Sorot an pinakabuutan ngan mahatagon nga asawa sanglit nagkasarabot hira nga magtunga ha uusa nga mister. Matungod nga sobra ini maataman ha ira, waray hira magkamayda hin rason agud mag-aragway.
Kaudgan ha mga tawo ha ira lugar in kahuna nga riko hi Ong Dam Sorot pero pagklaro niya nga deri hiya riko ngan nagbuburublig hira nga 9 nga magpakabuhi para magkamayada hin panggastos ha kada-adlaw.
Damo nga mga kalalakin-an nga netizens an humanga kan Ong Dam Sorot pero damo lagihapon an tumuligsa ha iya pagiging polygamist.
Ha pagkayana, mayda usa nga anak nga lalaki hi Ong Dam Sorot kan Sprite ngan dungan nga nagbuburod hira L ngan Nan.
