Gin hangyo han abogado ni anay Presidente Rodrigo Duterte ha International Criminal Court (ICC) Trial Chamber III nga igpailarom utro ha medical examination an 81-anyos nga anay presidente agud matudlok kun kaya pa hini umatubang ha pagdungog kasumpay han kaso nga crimes against humanity.
Ha usa nga 7-pages pleading nga mayda petsa nga Mayo 25, ginmalatumat han defense counsel nga hi Peter Haynes nga an nauna nga medical assessment in dida pa han pre-trial stage ginhimo, sanglit kinahanglan utro nga panginanuon an kabutang han anay presidente samtang tikaharani an pormal nga pagdungog.
Iginduon han depensa nga an korte in mayda obligasyon nga utro panginanuon an “fitness to stand trial” kada 120-kaadlaw o kun mayda hangyo an hain mga nga parte, agud masigurado an katungod han akusado han usa nga makatarungan nga proseso.
Gintagan-duon pa hi Haynes nga pwede igmando han korte an panibag-o nga medical, psychiatric, o psychological evaluation subay ha Rules han ICC.
Ha usa nga naunan nga status conference dida han Mayo 27, ginmalatumat ni ICC Trial Chamber III Presiding Judge Joanna Korner nga iginmando han korte an utro nga panginano ha kabutang ni Duterte ugsa magtikang an trial.
Subay ha korte, pwede gamiton utro an mga nuan nga eksperto nga nagdumara han panginano ha anay presidente o magtudlok hin bag-o nga panel hin mga medical expert, depende ha magigin desisyon han korte.
