TACLOBAN CITY – Naaresto ha gindumara nga hot pursuit operation han Mayorga PNP an suspek han panlugos, patay ha usa nga menor de edad ha Brgy. Bonifacio, Mayorga Leyte.
An suspek in ginkilala kan Marvin Lumpas Advincula alias ” Pipoy”, 22 anyos , usa nga construction worker ngan residente han mao nga lugar.
Sumala kan Police Senior Inspector Ambrosio Demain han Mayorga MPS, nakit-an nira nga hubo ngan nakarigo ha iya kalugaringon dugo an 16 anyos nga daragita ha sakob han ira panimalay, bari an li-og, ngan nag-angkon hin pito nga bono ha iba iba nga parte han iya lawas.
Subay ha ira ginbuhat nga imbestigasyon, ha baybayan umagi an suspek pakadto ha kwarto han biktima mahitungod mayda guti-ay nga parte hini an waray sarop.
An pamahayag ni Police Senior Inspector Ambrosio Demain han Mayorga PNP
Nadakop an suspek han mga otoridad pinaagi han mga witnesses nga nagpakakita nga nagdadalagan an suspek tikang ha balay han biktima pira la ka minuto mahuman mahitabo an insidente.
Ha pagkayana in nakapaslak na ini ha Mayorga Police Station an suspek ngan papasakahan hin kaangayan nga kaso.
