SPORTS – Utro nga ginpakita ni Ivan Anisimov han LCW UAE Cycle an iya kusog mahuman madukdok an ikaduha nga sunog nga stage win ha MPTC Tour of Luzon 2026, ha Stage Five nga mayda kahirayo nga 126.7 kilometro ha Tuguegarao City Hall, Cagayan.
Naghipatik an 26-anyos nga Russian cyclist hin oras nga 2:47:25 ha usa nga mass sprint mahuman an stage nga nagtikang ha Santiago City, Isabela.
Syahan na gihapon nga nagdaog hi Anisimov ha Stage Four nga mayda kahirayo nga 165.80 kilometro tikang ha Palayan City, Nueva Ecija kutob ha Bayombong, Nueva Vizcaya, sanglit padayon an iya impresibo nga kampanya ha tour.
Igkasi naghipatik hin parehas nga oras nga 2:47:25 hira Ryan Tugawin han Excellent Noodles Cycling Team ngan Lee Jung Hoon han Seoul Cycling Team, ha kabug-usan nga 1,821.1-kilometro nga 14-stage race nga iginhatag han Philippine Sports Commission kasugbong an Philippine Olympic Committee ngan PhilCycling.
Samtang, hi Ean Cajucom han Victoria Sports Pro Cycling an syahan nga back-to-back stage winner ha 2025 edition mahuman dominahon an Stages 3 ngan 4.
Ha kabug-usan han standings, padayon nga sul-ot ni LCW UAE Cycle teammate Nikita Shulchenko an yellow jersey mahuman maghipatik hin overall time nga 13:46:45 ha Individual General Classification. Ada ha ika-24 pwesto naman an 2025 champion nga hi Joo Dae Yeong han Gapyeong Cycling, nga may-ada 3:30 minutos nga agwat kan Shulchenko.
Nangunguna la gihapon an Go for Gold ha Team General Classification nga may-ada kabug-usan nga oras nga 56:15:28
