TACLOBAN CITY- Guindayaw han mga nabiktima han linog ha Leyte an simple nga pagbisita ni Vice Presidente Leni Robredo.
Sumala kan Municipal Disaster Risk Reduction and Management Council- MDRRMC Officer 3 Manuel Garduque han Kananga, Leyte nga sobra la kasimple an pagbisita han bise presidente ha ira lugar mahitungod nga guindaop ngan guinkumusta mismo hini an mga evacuees ha mga tent areas partikular ha Barangay Rizal han mao nga municipalidad.
Dugang pa ni Garduque, nga gawas la ha pakipaghimangraw, nagpatapod liwat hi Robredo nga maghatag hin materyales para ha pagpatindog han temporary shelters.
Mababaruan nga waray gumamit hin kalugaringon nga sarakyan an bise presidente ha pagkanhi ha Leyte.
Manunumduman nga guinbay-og hin 6.5 magnitude nga linog an probinsya han Leyte ha nakalabay nga Hulyo 6 kun diin nagbilin ini hin tulo nga patay, ginatos-gatos nga samaran ngan sobra 3 mil nga pamilya nga nagub-an hin panimalay.
