Naduksok han Bulgarian singer nga hi Dara an kadaugan ha 70th Eurovision Song Contest mahitungod ha iya kanta nga “Bangaranga.” Ini an pinakasyahan nga higayon nga nagdaog an Bulgaria ha nasabi nga paisan-isan.
Subay ha report, dire kaupod hi Dara ha mga paborito nga magdadaog, pero nakakuha hiya hin hitaas nga puntos tikang ha mga hurado ngan botos han publiko mahitungod ha lively ngan powerful nga performance.
Nag-ikaduha naman an Israeli contestant nga hi Noam Bettan. Nagin kontrobersyal an paisan-isan nga ginbuhat ha Vienna mahitungod ha mga protesta ngan boycott kasumpay ha partisipasyon han Israel ha kompetisyon.
Umabot ha 25 nga nasud an bumuylig ha finals, kun diin iba-iba nga genre han musika an ginperform. Nag ikatulo naman an Romania, kasunod an Australia ngan Italy.
Ha kaluyo han kalipayan ha kompeitisyon, naapektuhan ini han mga isyu nga pampulitika ngan panawagan han pira nga nasud nga tanggalon an Israel ha paisan-isan.
