Nagin hapsay ngan malinangpuson an ginpahilawig nga pagsalawad ngan pagbabayad han Annual Income Tax Return.
Ini an iginparayaw han Bureau of Internal Revenue (BIR) kasunod han paghuhuman han usa kabulan nga extension nga iginmando ni Presidente Ferdinand R. Marcos Jr. agud magkamay-ada hin mas halaba nga panahon an taxpayers.
Sumala kan BIR Commissioner Charlito Mendoza, nagin hapsay, kontrolado, ngan malinangpuson an mga katapusan nga adlaw han filing and payment.
Nagpasalamat gihapon an opisyal ha taxpayers ngan ha mga empleyado han BIR ha ira pagbaton ngan pakikiusa ha panawagan han ahensya.
Samtang, iginparayaw han BIR nga umabot ha sobra P422 bilyon an kabug-usan nga nagin koleksyon nira ha bug-os nga bulan hgan Abril.
Mas hitaas ini hin P12.7 billion o sobra 3% kumpara ha ira target.
Ginmalatumat ni Mendoza nga kaparte ini han mas ginpahuru-hugot nga koleksyon agud makab-ot la gihapon an target nga kita yana nga 2026.
