TACLOBAN CITY – Nagrayhak ngan napuno hin kalipay an ginatos gatos nga myembro han LGBTQIA+ community nga tumambong han parade ngan concert ha Carigara, Leyte kumo pagsalin-urog han Pride Month.
Gamit an durudilain nga mga costumes ngan mga rainbow banners, nagmartsa, kumanta ngan sumayaw an LGBTQIA+ para “ig-celebrate with pride” an ira gender identity.
An katitiruk in ginpangunahan ni Carigara Mayor Eduardo “Ed” Ong Jr. agud igpakita an pagsuporta ngan pagrespeto han LGBTQIA+ community.
“You don’t have to be a gay or lesbian to support the LGBTQIA+. Here, we continue to promote inclusivity, love and support to LGBTQIA+”, pahayag ni Ong.
Mababaruan nga ini na an ikaduha katuig nga nagdumara hin pride parade ngan concert ha Carigara, Leyte para igpakita nga karawat han bungto han Carigara an bisan ano gender.
Nagpasalamat liwat an bug-os nga LGBTQIA+ ha mapaso nga pagkarawat haira han mao nga bungto.
