TACLOBAN CITY – Ginpagawas han Department of Education (DepEd) an bag-o nga school calendar para ha School Year 2026–2027 ha ilarom han Order No. 09, Series of 2026.
Subay kan DepEd Tacloban City Division, Information Officer, Dr. Nilo Eder, magtitikang an klase ha Hunyo 8, 2026, ngan maghuhuman naman ha Abril 8, 2027 o may kabug-usan nga 201 school days.
Kadungan hine, igpapatuman ha Eastern Visayas an pilot implementation han “three-term system” kumo kaparte han reporma han DepEd.
Babalyuan hine an 4 quarters agud maibanan an pagkawara han instructional time mahitungod han mga suspensyon ngan school activities.
Ha bag-o nga setup, an Term 1 hiton klase in Hunyo–Setyembre, Setyembre–Disyembre naman an Term 2, samtang Enero-Abril naman an Term 3.
Kada termino in may “instructional block” para ha padayon nga klase ngan “end-of-term block” para ha extracurricular activities, reports, ngan wellness break han mga estudyante.
Subay ha DepEd, panuyuan han bag-o nga sistema an maupay nga kalidad ngan continuity han pag-aram han mga estudyante.
