Ginaghat han Palasyo hi Senador Ronald “Bato” dela Rosa nga magpakita na ngan atubangon an mga kaso kontra ha iya.
Ini an gintagan duon han Palasyo sugad han mga nagin pahayag hadto ni Senador Robin Padilla.
Ginmalatumat ni Palace Press Officer ngan Communications USec. Claire Castro nga kumo anay nagsirbe nga hepe han pambansang pulisya, kinahanglan in maaram hi dela Rosa nga may valid warrant of arrest nga gin-isyu han International Criminal Court ngan kun waray hiya sala in kinahanglan hiya magpakita.
Nagpahimatngun gihapon an Palace official nga kun magprubar hi dela Rosa nga umiskapo ha nasud, dadakpon hiya basar na gihapon ha Department of Justice.
Dugang pa ni USec. Castro, nga ginrerespeto han Presidente ngan han administrasyon an nakabinbin nga kaso ha Korte Suprema pero dire kinahanglan tumakas han senador pagawas han nasud.
