-- Advertisements --
Ginkumpirma han Department of Education nga 32,916 nga bag-o nga teaching positions an ginaprubaran han Department of Budget and Management para ha School Year 2026-2027.
Panuyuan hini nga masolusyonan an mga pankinahanglan ha klasrum ngan mapagaan an workload han mga magturutdo ha mga pampubliko nga iskuylahan ha bug-os nga nasud.
An mga kukuhaon nga bag-o nga magturutdo in para ha Kindergarten, Elementary, Junior High School, Senior High School, ngan Alternative Learning System.
Samtang dugang pa han DepEd, 500 nga posisyon para ha Teacher IV an igbubutang ha Special Needs Education agud masigurado nga matutukan an pag-ekswela han mga estudyante ha mga espesyal nga programa.
